“रक्षाबंधनाच्या दिवशी विसरा सगळी भांडणं आणि कटकट त्यासाठी पहा बहीण भावाच्या नात्याचं भावविश्व दाखविणारे हे काही सुंदर चित्रपट…..”

कलाकार                   : – हृता दुर्गुळे, अमेय वाघ, चेतन चिटणीस     

              नुकताच म्हणजेच २२ जूलै २०२२ रोजी प्रदर्शित झालेला अनन्या हा प्रेरणादायी चित्रपट तुम्ही या रक्षाबंधन दिवशी तुमच्या भावंडांसोबत नक्कीच बघू शकता. 

              हा चित्रपट बघताना तुम्हाला जाणवेल की आपल्या बहिणीला/ भावाला त्यांच्या पडत्या काळात, अडचणीच्या काळात आपल्या आधाराची किती गरज असते. धनंजय देशमुख ( सुव्रत जोशी )हा अनन्या च्या भावाच्या भूमिकेत दिसत आहे. एका मोठ्या अपघातात आपले हात गमावल्यानंतर आपल्या भावाकडून प्रेम आणि आधाराच्या ऐवजी जेव्हा तिरस्कार आणि उपहास मिळतो तेव्हा मनाची होणारी बिकट अवस्था हृताने आपल्या अभिनयातून अचूक व्यक्त केली आहे. हे बघताना आपल्याकडून कधी काही चुकलं असेल तर त्याची जाणीव नक्कीच होईल.

           हृता दुर्गुळेला अनन्या च्या भुमिकेत बघताना तिच्या अभिनयाची ताकद दिसून येते. एकंदरच आयुष्यात जेव्हा कठीण प्रसंग येतात तेव्हा आपली भावंड, कुटुंब यांचा आधार सगळ्यात जास्त महत्वाचा हे चित्रपट बघताना प्रकर्षाने जाणवतं. माझ्याकडून या चित्रपटाला  ५✰ पैकी ४✰ रेटिंग देईन.

४. माहेरची साडी

         १९९१ साली प्रदर्शित झालेला माहेरची साडी हा चित्रपट अजूनही प्रेक्षकांच्या मनावर अधिराज्य गाजवत आहे. भाऊ बहीणीच्या नात्याविषयी चित्रपट म्हटलं की माहेरची साडी हे नाव सगळ्यात आधी आठवत. या चित्रपटा शिवाय ही यादी अपूर्ण राहील. या चित्रपटात अलका कुबल आणि अजिंक्य देव यांनी बहिण भावाच्ं नातं एका वेगळ्याच उंचीवर नेऊन ठेवलं. 

      हा चित्रपट बघताना मोठी माणसं, तेव्हाचा काळ अनुभवलेल्या स्त्रिया आजही तेवढंच रडतात. हे या चित्रपटाचं वैशिष्ट्य. याच चित्रपटामुळे अलका कुबल यांची मराठी चित्रपटसृष्टीत विशेष ओळख निर्माण झाली. माझ्याकडून या चित्रपटाला  ५✰ पैकी ३.५✰ रेटिंग देईन.

५. हॅप्पी जर्नी

           हॅप्पी जर्नी हा वेगळ्याच धाटणीचा सिनेमा 

२०१४ साली प्रदर्शित झाला होता. प्रिया बापट आणि अतुल कुलकर्णी यांची जबरदस्त केमिस्ट्री असलेली भावा बहिणीची जोडी या चित्रपटात पाहायला मिळते. मृत्यु नंतर सुद्धा बहीण भावाचं किती घट्ट असतं ते या सिनेमात दाखवण्यात आले आहे. अवखळ, अल्लड अशी प्रिया बापट आणि तेवढाच जबाबदारचं ओझं पेललेला भाऊ अतुल कुलकर्णी यांनी या चित्रपटात अतिशय सुंदर अभिनय केला आहे. ॲमेझॉन प्राईमवर हा चित्रपट तुम्ही पाहू शकता. माझ्याकडून या चित्रपटाला  ५✰ पैकी ३.५✰ रेटिंग देईन.

६. बम बम बोले.

        हा सिनेमा म्हणजे लहान मुलांपासून ते मोठ्यांपर्यंत कोणीही पाहीला तरी डोळ्यांत पाणी आणणारा. २०१० साली प्रदर्शित झालेला हा हिंदी सिनेमा भाऊ बहीणीच्या गोड नात्यातील समंजसपणा ठळकपणे दर्शवतो. पिनूच्या हातून (दार्शिल साफरी)  आपल्या छोट्या बहीणीच्या, रिमझिमच्या( झिया) चप्पलचा जोड हरवतो. आणि ते आपल्या वडिलांना कळू न देता काही दिवस ते दोघं बहीण भाऊ चप्पलचा एकच जोड दोघांत मिळून कसा वापरतात आणि आपल्या चिमुकल्या बहीणीला नवीन चप्पल घेऊन देण्यासाठी हा छोटासा भाऊ काय करतो ते अतिशय सुंदररीत्या आणि हळुवारपणे या चित्रपटात दाखवण्यात आले आहे. युट्युब, जिओ सिनेमा तसेच मॅक्स प्लेयर या प्लॅटफॉर्म वर हा चित्रपट तुम्ही फ्रि बघू शकता. माझ्याकडून या चित्रपटाला  ५✰ पैकी ४✰ रेटिंग देईन.

७. सरबजीत

       सरबजीत हा एक हिंदी चित्रपट २०१६ साली प्रदर्शित झाला होता. ऐश्वर्या राय आणि रणदीप हुडा यांच्या प्रमुख भूमिका असलेला हा चित्रपट एका खऱ्या कहाणीवर बनवण्यात आलेला आहे. सरबजीत सिंग हा भारतीय चुकून एकदा दारुच्या नशेत भारत पाकिस्तान ची सीमा ओलांडून पाकिस्तान मध्ये जातो आणि पाकिस्तानी सैन्याकडून पकडलि जातो आणि मग पुढे दलबिर ही त्याची बहीण त्याला सोडवण्यासाठी काय प्रयत्न करते. आपलं अख्खं आयुष्य त्याला न्याय मिळवून देण्यासाठी खर्च करते. 

      बहीण भावासाठी काहीही करू शकते हे या चित्रपटातून खूप सुंदररित्या दाखवलं आहे. हा चित्रपट बघताना तुमच्या बहीणी बद्दल असलेला आदर अजून वाढेल आणि भावाबद्दल असलेली काळजी, प्रेम अजून दाटून येईल यात अजिबात शंका नाही. ॲमेझॉन प्राईमवर हा सिनेमा तुम्ही बघू शकता. माझ्याकडून या चित्रपटाला  ५✰ पैकी ४.८✰ रेटिंग देईन. 

८.हम साथ साथ है

      १९९९ साली प्रदर्शित झालेला हा चित्रपट अजूनही लोकांच्या मनात घर करून आहे. कौटुंबिक नातेसंबंधावर आधारित हा सिनेमा बघताना कधीच कंटाळा येत नाही. सलमान खान, सैफ अली खान, मोहनीश बहल हे तीन भाऊ आणि एकुलती एक लाडकी बहिण निलिम कोठारी यांच्या नात्यांची सुंदर गुंफण या चित्रपटात दाखवली आहे.

   बहीणीवर संकट आल्यावर सगळे भाऊ मिळून कसे पाठीशी उभे राहतात हे या चित्रपटात पाहायला मिळतं. हा चित्रपट तुम्हाला तुमच्या सुंदर आठवणींच्या काळात घेऊन जातो. नेटफ्लिक्स या ओटीटी प्लॅटफॉर्म वर हा चित्रपट उपलब्ध आहे. माझ्याकडून या चित्रपटाला, माझ्याकडून या चित्रपटाला  ५✰ पैकी ४.५✰ रेटिंग देईन.

 ९. इक्बाल

 २००५ साली प्रदर्शित झालेला “इक्बाल” हा हिंदी सिनेमा क्रिकेट खेळावर आधारित आहे. मुकबधीर असलेल्या आपल्या भावाला त्याच्या ध्येयापर्यंत पोहचवण्यासाठी त्याची बहीण त्याला कशाप्रकारे प्रोत्साहन देते ते या सिनेमात दाखवण्यात आले आहे. श्रेयस तळपदे याची प्रमुख भूमिका असून श्वेता प्रसाद बासू त्याची छोटी बहीण दाखविली आहे. “झी 5” या ॲपवर हा सिनेमा तुम्ही बघू शकता. माझ्याकडून या चित्रपटाला, माझ्याकडून या चित्रपटाला  ५✰ पैकी ४.५✰ रेटिंग देईन.

१०. भाग मिल्खा भाग

        २०१३ साली प्रदर्शित झालेला हा अतिशय रोमांचक असा हिंदी चित्रपट आहे. भारतीय धावपटू व पद्मश्री पुरस्कार विजेता मिल्खा सिंग ह्याच्या जीवनावर आधारित हा चित्रपट आहे.

       भारत पाकिस्तान फाळणी मधल्या अनेक निर्वासित कुटुंबापैकी एक म्हणजे मिल्खा सिंग यांचं कुटुंब. अख्ख्या कुटुंबांमध्ये फक्त एकटेच वाचलेले मिल्खा सिंग यांचा जिवन प्रवास या चित्रपटात दाखवण्यात आला आहे. या चित्रपटात त्यांची बहीण आणि त्यांच्यावर चित्रित केलेले सिन बघताना काय वाटतं ते शब्दात मांडणं निव्वळ अशक्य. 

       फरहान अख्तर यांनी मिल्खा सिंग यांच्या भुमिकेला योग्य तो न्याय दिला आहे. तर दिव्या दत्ता हीने नेहमीप्रमाणे शांत, समंजस आणि भावावर मनापासून प्रेम करणारी, त्याची काळजी करणारी बहीणीची भुमिका सुंदर केली आहे. फक्त बहीण भावाच्या नात्यासाठीच नव्हे तर प्रतिकूल परिस्थितीत सुद्धा जिद्द असेल आणि कष्ट घेण्याची तयारी असेल तर जिंकता येतं हे पाहण्यासाठी हा चित्रपट नक्कीच बघा. हॉटस्टार डिस्नी वर हा चित्रपट तुम्ही पाहू शकता. माझ्याकडून या चित्रपटाला  ५✰ पैकी ४.८✰ रेटिंग देईन. 

 ११. दिल धडकने दो

      २०१५ साली प्रदर्शित झालेला हा हिंदी सिनेमा बऱ्याच लोकांना माहित नसेल. रणवीर सिंग आणि प्रियांका चोप्रा हे दोघं भाऊ बहीणीच्या भुमिकेत आहेत. ज्यांच्या नात्याचा बंध अतिशय घट्ट पण तेवढाच साधा सहज दाखविण्यात आला आहे. 

       कमल मेहरा (अनिल कपूर) आणि नीलम मेहरा (शेफाली शाह) यांच्या लग्नाचा वाढदिवस क्रूजवर साजरा करण्यासाठी संपूर्ण कुटुंबाला आमंत्रित केलेलं असतं.  क्रूझ वरील प्रवास आणि त्या दरम्यान नात्यातील वीण, चढ उतार सगळंच सगळ्यांना अनुभवायला मिळतं. प्रवासादरम्यान आयुष्यातील एक नवीन धडा घेऊन प्रत्येक जण बाहेर पडतो. हा सिनेमा बघायचा असल्यास नेटफ्लिक्स वर तो पाहू शकता. माझ्याकडून या चित्रपटाला  ५✰ पैकी ३✰ रेटिंग देईन. 

 १२. रक्षाबंधन

       अजून एक खुशखबर म्हणजे बॉलिवूडचा खिलाडी अक्षय कुमार याचा “रक्षाबंधन” हा चित्रपट आजच “रक्षाबंधनच्याच” मुहूर्तावर प्रदर्शित होतोय. तो बघून आल्यावर तुम्ही आम्हाला जरूर सांगा तुम्हाला तो कसा वाटला. आम्ही ते जाणून घेण्यासाठी उत्सूक आहोत. 

रक्षा बंधन चित्रपटाची पुर्ण समीक्षा वाचण्यासाठी “रक्षाबंधन” वर क्लिक करा.

      चला मग आम्हाला पटापट कमेंट करून सांगा वरीलपैकी कोणते कोणते चित्रपट पाहीले आहेत. आणि नसेल तर यापैकी कोणता चित्रपट पहायला आवडेल ते सुद्धा सांगा.

                                                                                                                                                  धन्यवाद.

लेखक – आकांक्षा कोलते